Вистински спортист си ти,ако ти мислиш така и ако живееш на тој начин. Не мора да заработуваш од спортот за да бидеш вистински спортист. Не мора да си професионален спортист за да бидеш и вистински спортист. Ти си вистински спортист ако живееш за да спортуваш,ако тоа го правиш од задоволство и за задоволство. Ти си вистински спортист ако живееш спортски и размислуваш на спортски начин. Вистинските спортисти се вечни. Тие спортуваат постојано и никогаш нема да престанат. Тие живеат за да спортуваат и спортуваат за да живеат. Вистинските спортисти секогаш сакаат да му помогнат на спортот и ако треба ќе се жртвуваат за спортот. Вистинските спортисти не профитираат од спортот и не го злоупотребуваат. Вистинските спортисти му помагаат на спортот на секаков можен начин.

Вистинските спортисти ги има насекаде. Тие се и околу тебе. Ретки се,но ги има!

Можеби и ти си бил дел од нив,а сега веќе не си. Или пак и ти си била дел од нив и уште си,или пак не си била свесна дека припаѓаш на таа категорија! 

Придружи ни се! Дојди и биди дел од нас! Спортувај! Живеј го животот на поубавиот начин! Биди си спортист,биди вистински спортист!

Полумаратон не е еднакво со маратон. Полумаратон е различно од маратон.

Ете и јас истрчав маратон. Сега можам да дадам мој коментар,моја анализа околу полумаратонот и маратонот.

Значи,според моето искуство,слободно можам да кажам дека полумаратонот (21.097km) и маратонот (42.195km) во многу се разликуваат,а заедничко на овие две дисциплини можеби е само тоа што и двата го содржат маратон во себе. Како што кажува и самиот збор - полумаратон,означува трка која што за половина е пократка од маратонот. Затоа и би препорачал на тие што сакаат да трчаат маратон,претходно да имаат истрчано полумаратон. Со голема желба,правилни тренинзи и соодветна исхрана,секој човек може да истрча полумаратон,па и маратон!

Многу може човек да се излаже ако си размислува дека маратонот не е ништо потешко од полумаратонот. Многу ќе згреши ако си рече: Истрчав полумаратон и сега,уште само толку. Е тоа уште само толку,прави голема разлика. Мислам дека за полумаратон и да не си подготвен доволно,можеш да пробаш и да видиш како е,но за маратон не би препорачал да се обидеш да го трчаш,ако подготовките не се на задоволително ниво.

Според мене,полумаратонот е елегантна трка,каде што можеш да го менуваш темпото на трчање,да забрзуваш и да забавуваш ако сакаш. Можеш и да правиш некои експерименти,кои нема многу да ти влијаат на понатамошното трчање. Но,кај маратонот секој погрешен чекор,секоја непромисленост,може многу да ти влијае и да се каеш заради тоа. Полумаратон можеш да трчаш почесто,а маратонот трчај го само неколку пати годишно,под услов секогаш да бидеш добро подготвен! 

Истрчај полумаратон или маратон! Надмини се, совладај ги границите!  

Еве неколку клипчиња и слики од Белградскиот маратон. За повеќе слики слободно одете на страната на маратон клуб Делта www.deltamk.org