И тогаш решив дека нема повеќе да дигам тегови. Решив дека ќе се посветам малку повеќе на трчањето. Тогаш решив дека ќе продолжам со вежбање,но не и со дигање тегови. Решив дека ќе си вежбам само вежби со своето тело,со сопствената тежина. Некои викаат дека тоа се и најтешките вежби. Да работиш со своето тело,без никакви дополнителни тежини,без тегови. Но,нема многу вежби што можеш да ги правиш на овој начин. Ама затоа можеш да правиш комбинации од нив. Ете,на пример можеш да правиш неколку серии обични склекови,а после можеш нозете да ги ставиш на повисоко и пак да продолжиш со вежбањето! Можеш да си направиш да ти биде интересно.

Еве на пример,можеш еден тренинг вака да го направиш:

- 15 серии вратило ( 5 серии по 8 повторувања од напред со широко фатени раце,5 серии по 8 повторувања од напред со потесно фатени раце и 5 серии од позади)

- 10 серии разбој со зголемување на повторувањата, но не помалку од 6 во серија)

-  10 серии склекови по 15 склека во серија

- 6 серии трицепс со раце на клупа ( 2 со нозе на земја,2 со нозете на друга клупа,не помалку од 15 повторувања во серија)

- 12 серии стомак ( 6 серии за горни, 6 за долни стомачни,не помалку од 30 повторувања во серија)

И? Како ти се гледа? Е да,не е лесен тренингов...ама во ниту еден момент не ти требаат тегови,а резултатите можат да бидат идентични како да си користел тежини...Нели?  Тоа е доказ дека ако имаш желба можеш да си оформиш супер тело,без да користиш тегови. Ете,сега нема да можеш да се оправдаш дека немаше пари да платиш за да вежбаш во фитнес клуб. Уште еден доказ дека можеш да вежбаш ама баш кај ќе ти текне...

Тебе треба само да ти текне! Аааа,ти текна ли конечно? Ти текнува??

Отиде надвор од својата татковина. Си ги зема сите потребни работи што му требаа за да живее таму. Требаше да остане пола година. Се разбира дека со себе ја зема и желбата за вежбање. Тоа воопшто не е никаков товар. Тоа беше неговиот начин на живот. Ќе му беше тешко ако нема да има услови каде да вежба. Но,тоа не е возможно. Не е возможно да немаш каде да вежбаш.Се останато е лесно кога веќе имаш желба за вежбање. Барем тоа беше нешто што неизмерно многу го имаше. Тоа му беше единственото задоволство што никој не може да му го земе,а освен тоа и бесплатно е! Тоа беше единственото задоволство што го прати целиот живот. Задовослтвото што знае дека никогаш нема да го изневери...

Те боли грбот од седење? Се задишуваш кога нема да користиш лифт, а се качуваш по скали до 4ти кат? Не можеш да кренеш нешто потешко од 10кг? Не можеш да истрчаш 30метри за да го стигнеш автобусот? Те мрзи да се прошеташ и секогаш користиш кола? Почна да купуваш поголеми броеви затоа што облеката од порано не можеш да ја облечеш? Често те боли глава и пиеш апче за да ти помине?

Епа, баш и не си на вистинскиот пат,нели?

Јас не би играл така. 

Пробај,на пример,да направиш неколку серии склекови кога те боли грбот.

Пробај,на пример,да почнеш да трчаш по 2-3 пати неделно.

Пробај,на пример,да вежбаш со тегови.

Пробај,на пример,да уживаш кога одиш пешки.

Пробај,на пример,да ти биде предизвик да можеш да ја носиш старата облека.

Пробај,на пример, да спортуваш нешто кога ќе те боли главата.

И немој да мислиш дека нема некои други што веќе така размислуваат и така живеат. Не сме малку. Многу сме.

Ај пробај! Ќе пробаш? Време ти е! 

А,ако мислиш дека немаш со кого....

...дека можам да трчам брзо. Среќен сум дека можам да трчам долго. Среќен сум дека можам да трчам и бавно. Среќен сум дека можам воопшто да тренирам. Среќен сум дека тренирам. Среќен сум кога ќе помислам дека подоцна ќе спортувам. Среќен сум кога ќе ми текне дека во сабота наутро ќе трчаш со мене. Среќен ќе бидам кога ќе дознаам дека и ти почна да спортуваш. Среќен сум кога ќе се вратам од тренинг. Среќен сум кога ќе направам три тренинга во еден ден. Среќен сум кога спортувам со среќни спортисти. Среќен сум дека преку спортот те направив и тебе среќна. Среќен сум дека можам да се тркам. Среќен сум кога ќе си го подобрам личниот рекорд. Среќен бев кога те видов тебе како се радуваш кога победи на трката. Среќен сум кога ќе видам како тие трчаат заедно. Среќен сум кога ќе те видам дека трчаш сама и слушаш музика. Среќен сум кога веруваш во спортувањето.Среќен сум кога ми се јавуваш да спортуваме заедно. Среќен сум кога зборуваме додека трчаме. Среќен сум дека спортувам кога другите не го прават тоа. Среќен сум кога ќе ме пофалиш дека сум спортист. Среќен сум кога им кажуваш на другите да спортуваат.

А ти?  Среќна ли си ти?