Сомотски се. Отидов на кројач уште додека бев во средно школо. Не ми текнува точно, втора или трета година беше. Кројачот ми соши неколку пара сомотски пантолони. Со големо задоволство си ги носев моите сомотски пантолони. И така неколку години секоја зима уживав во нив. Но тогаш, почнав повеќе да вежбам со тегови. Решив дека треба да се зголемам малку. Упорно вежбав и за прв пат во мојот живот почнав да користам и поголеми тежини додека вежбав со теговите. Резултатите си дојдоа сами по себе. Цело лето напорно вежбав и си ги направив посакуваните мускули. Се зголемив во рацете, рамењата и градите, а за долниот дел од телото не ни приметував, ниту пак се интересирав нешто посебно. Дојде и зимата. Залади многу и време беше да ги облечам моите омилени сомотски пантолони. Ги извадив и решив да ги облечам црните. Не успеав и се зачудив. Истото се случи и со останатите 2 пара пантолони. Заклучокот беше лесен. Вежбајќи со теговите сум се зголемил и на некои места од телото што баш и не требаше да се зголемат. Тогаш дури почнав и да размислувам дека како поминуваат годините и телото доживува некои промени, па следниот заклучок беше дека сомотските пантолони ќе ги тргнам и можеби веќе никогаш нема да ги облечам. Едноставно, завршило времето за моите омилени сомотски пантолони. Така и се случи. Сомотските ги заменив за нови пантолони и фармерки.

      Поминаа неколку години од тогаш. Веќе и да ги имав заборавено дека постојат сомотските пантолони. Ова лето за прв пат во мојот живот решив да трчам посериозно и си ветив дека ќе треба да ослабам ако сакам да бидам брз во трчањето. Фитнесот и вежбањето со тегови веќе не ми беа приоритет,па првото место сега му припадна на трчањето. Целосно се посветив на трчањето и многу внимавав на здравата исхрана, па логично беше и дека ќе направам голем напредок во трчањето! Свесно ослабев 8 кг. и постигнав забележителни резултати во трчањето.

      Зима е веќе и официјално. Треба да излезам. Уште да облечам пантолни и кондури и излегувам. Немам многу време. Треба да побрзам за да не задоцнам. А кај ми се пантолоните? Не можам да ги најдам. Е како ќе ги најдам кога сум ги ставил да се перат заедно со другите пантолони и останатите фармерки! И сега што да облечам? Немам што да облечам!?!?! 

 

Тогаш ми текна дека иако веќе неколку години не ги носам, уште ги имам моите сомотски панталони од средно школо! Ги најдов и ги пробав. Не само што не ми беа тесни, туку и одлично се чувствував во нив. Значи, сега повторни имам нови, а стари сомотски пантолони! Што убаво!